Ինքնուրույն աղբյուրից սնվող «Բյուրեղ» աղբյուրի քաղցրահամ ջուրը սկիզբ է առնում Ջերմուկի լեռների սառնորակ և էկոլոգիապես մաքուր աղբյուրներից:

«Բյուրեղի» շշալցումն իրականացվում է «Ջերմուկ գրուպ» ընկերության` նորագույն տեխնոլոգիաներով հագեցած գործարանում: Այստեղ ջուրն անցնում է բազմաստիճան զտում. ուլտրամանուշակագույն ճառագայթումը համատեղվում է թաղանթային զտման հետ՝ պահպանելով ջրի օգտակար բոլոր հատկությունները և ապահովելով գերազանց որակ:

«Բյուրեղ» աղբյուրի ջուրն առանձնանում է մանրէաբանական կատարյալ մաքրությամբ և փափկությամբ՝ լիովին համապատասխանելով իր անվանմանը:

«Բյուրեղ» աղբյուրի ջրի որակը մշտապես վերահսկվում է «Ջերմուկ Գրուպ» ընկերության գերժամանակակից լաբորատորիայի կողմից, որը հագեցած է եվրոպական հայտնի ընկերությունների բարձր տեխնոլոգիական սարքավորումներով:

Բնության և նորագույն տեխնոլոգիաների գերազանց համադրության շնորհիվ՝ այսօր «Ջերմուկ գրուպի» արտադրանքն առաջատարն է հայկական շուկայում և մեծ պահանջարկ է վայելում արտերկրում:

Ինքնուրույն աղբյուրից սնվող «Բյուրեղ մանկական» աղբյուրի խմելու բնական չգազավորած ջուրը պարունակում է բոլոր հիմնական կենսաբանական մակրո- և միկրոտարրերը, որոնք այնքան անհրաժեշտ են մանուկների բնականոն աճի և զարգացման համար:

«Բյուրեղ մանկական» բնական աղբյուրի ջուրը կարող է օգտագործվել որպես իդեալական մանկական խմելու ջուր, ինչպես նաև ցանկացած տեսակի մանկական կերերի պատրաստման համար: «Բյուրեղ մանկական» ջրում հիանալի լուծվում են մանկական չոր խառնուրդներն ու շիլաները:

«Բյուրեղ մանկական» բնական աղբյուրի ջուրը ներկայացված է սպառողին պոլիմերային հարմար շշերով, որոնք կարելի է օգտագործել տանը, դպրոցում, հանգստանալիս, ճանապարհորդելիս և ցանկացած այլ իրավիճակում:

«Բյուրեղ մանկական» ջրի պիտանիության ժամկետն ընդամենը 6 ամիս է: Դա նշանակում է, որ երեխաներին մշտապես հասանելի է թարմ և բյուրեղյա մաքրությամբ խմելու ջուր: